[u][i][b]هذه قصيدة الشاعرة ريميه هلال في شاعر المليون ,,,,,,,,,,,,,,,,,,,,,
ورد عليها الشاعر فيصل بن جزاء الدوسري ,,,,,,,,,,,,,,,,,,,,,
اليكم القصيدة والرد عليها ,,,,,,,,,,,,
قصيدة الشاعرة ريمية
شفت شر يتوايق من عيون الفتاوي ........ في زمانٍ حلاله ملقحينه حرام
عن وجوه الحقايق لارفعت الغطاوي ........ بان مسخٍ تخفى تحت ستر اللثام
وحشي الفكر ساخط بربريٍ عماوي ........ لابس الموت لبس وشد فوقه حزام
في حزوم السياسة يرعب الناس عاوي ........ يفترس كل نفسٍ طامحة للسلام
لاذ صوت الحقيقة وانزوى الحق ثاوي ........ يوم عند المصالح ذل حر الكلام
أمتي لا غديتي بين عاوي وهاوي ........ كن عيني تشوفك في شعيب الظلام
لا تشبين نار ولا حميتي جلاوي ........ ملبدة ما رفعتي با لمواجيب هام
بين قومٍ مخيفه مابها حي ياوي ........ ما بها إلا ضواري قضمها بالعظام
أنتي القصعه اللي تشبعين المقاوي ........ كل جارح وضاري فيك يلقى طعام
يوم طاوي محبك بالهفا كل طاوي ........ فيك ألذ الولايم لـــــ المنافق تقام
هاب راع البعير وذل ولد الشواوي ........ جالبك كل جالب يوم سايمك سام
آه يا طول ضيمك يا جزور الشفاوي ........ يوم الاعمى يقودك لأبرقٍ بالخطام
بالجراب المصرصر غاية لكل حاوي ........ حيث رقط النوايا لاويه بالهمام
نزلوا سهمك اللي ياكلون الرشاوي ........ وسط سوق السياسة لين عود حطام
كم محبٍ ومخلص لو يزج النخاوي ........ عند عينك تغطرس قل شوفك وشام
يجي يومٍ يبين فيه صدق الهواوي ........ لا بجد كل خاين في نهار الزحام
وهذا رد الشاعر فيصل بن جزاء الدوسري عليها:-
..........
اخرس الله لسان الضبعه اللي تعاوي .....العجوز السفيهه وسط شاطي الخمام
في زمان(ن)تجـرى كل فـاجر وغـاوي ....بالتطاول على الـبراك عـالي المقـام
الفـتـاوي تضـرك ياعـدو !!!!الفـتـاوي ......ماتـوافق هـواك وماتحلل!!!! حـرام
ياحصيصه سجلك حافل(ن) بالمساوي ........فرق بين الوضيع وبين شيخ وامـام
وصمة العـار ريميه مع اسمك تخاوي .........دامه لسانك ملوث دامتفكيرك ظلام
ولو غسلتي دماغك بالمبيد الكيماوي ......وش ينظف قذورات(ن)بوسط الـدرام
تعشقـين الـتحـرر واخـتـلاط وبـلاوي .......والدلايل وقوفك وسـط ذيك الزحـام
فوق مسرح شبيه(ن)بالمراقص وخاوي .......من يـديـره وضيـع وقـايـد(ن) لنـعام
ولجنة(ن)محتويها كل سـاقـط هـواوي .......كـره ذيـك الوجيـه ومعـتريها جـهام
حـوزة الـديـن محمـيـه وراهـا عـزاوي ......الحكومه وشعب(ن) لشريعه حزام
ــــــــــــــــــــــــــــــــــــــ
هذا رابط القصيدة والرد عليها ,,,,,
https://www.youtube.com/watch?v=X0ioD4MDhxAوهذا رابط القصيدة في شاعر المليون ,,,,,
https://www.youtube.com/watch?v=1e6pjwntglk&feature=related